Áfalla-og tengslamiðuð iðjuþjálfun

Ég vinn með börnum, ungmennum og fullorðnum sem glíma við sálfélagslegan vanda út frá áfalla- og tengslamiðaðri iðjuþjálfun. Auk þess býð ég upp á náttúrutengda íhlutun og meðferð utandyra bæði fyrir einstaklinga og hópa.

Í vinnu minni hef ég það að markmiði að auka færni, þátttöku, seiglu og velsæld í daglegu lífi. Þá legg ég áherslu á að auka innsæi í hvernig vanamynstur og áreiti umhverfisins hafa áhrif á líðan og hegðun. Unnið er með að byggja upp og yfirfæra gagnleg bjargráð í daglegt líf sem og aðlögun umhverfis og iðju til að styðja við þátttöku í daglegu lífi, hvort sem um ræðir á heimili, í vinnu eða skólaumhverfi.

Áhugasvið mín eru
Taugakerfið og skynjafnandi iðkun til að stuðla að heilbrigði þess
Hreyfing, andadrátturinn og slökun fyrir endurheimt
Flæðibækur og skrif fyrir skynjöfnun og skipulag
Áhrif streitu og áfalla á færni
Kulnun, ADHD, einhverfuróf, kvíði og þunglyndi
Skynúrvinnsla og áhrif áreita í umhverfi á líðan og færni við iðju
Framkvæmdafærni (e. executive Function) og virkni í daglegu lífi
Jafnvægi í daglegu lífi: mörk, viðhorf og væntingar
Samskipti og sambönd

Ég starfa eftir siðareglum Iðjuþjálfafélags Íslands og er með löggildingu Landlæknisembættis sem iðjuþjálfi og sjálfstætt starfandi iðjuþjálfi.