Til að þrífast og vaxa

Ég hjálpa fólki að byggja upp getu til að lifa lífinu sem það vill lifa,
í stað þess að upplifa sig aðeins vera að komast í gegnum dagana.

Allt of oft höfum við vanist hamstrahjólinu.
Þegar lífið fer að þrengja að og orkan fer í að halda höfðinu yfir vatnsborðinu og við finnum okkur smám saman fjarlægjast það sem skiptir okkur raunverulega máli. Þá er það skýrt merki um að taugakerfið sé komið að þolmörkum.

Í vinnu minni styð ég ferli þar sem tengsl við líkama, skynjun og daglegt líf styrkjast.
Með auknum skilningi á taugakerfinu verður mögulegt að hægja á, skynja og velja af meiri meðvitund.

Þetta er ekki skyndilausn,
heldur vinna sem byggir upp burði til lengri tíma.

Nálgunin

Ég vinn út frá líkamsmiðaðri og heildrænni nálgun fyrir einstaklinga og fjölskyldur.
Vinnan byggir m.a. á áfalla- og tengslamiðaðri nálgun, iðjuþjálfun, náttúrumeðferð, hreyfingu, núvitund og taóískri líkamsvinnu.
Með því að nýta daglega vana, skynúrvinnslu, hreyfingu og ígrundun vinnum við að því að styrkja tengsl við líkama og daglegs lífs,
og byggja upp getu taugakerfisins til að mæta álagi, óvissu og tengslum af meiri stöðugleika og sátt.

Vinnustofur & Námsskeið

Á dýptina

Netheimar

NÝJUSTU PISTLAR

Hver er ég?

Ég heiti Alda og er að norðan. Ég lærður iðjuþjálfi með sjálfstætt leyfi Landlæknis og hef sérhæft mig í náttúrumeðferð, áföllum, tengslum og taugakerfinu. Ég hef alla tíð sótt styrk í náttúruna og lært um shamanisma til að dýpka þá þekkingu. Ég hef mikla trú á heilunarmætti hreyfingar, andadrátts, snertingar og virkjun raddarinnar.

Ég verið með hreyfitíma sem jógakennari frá 2017 en ég hef bakgrunn í bardagaíþróttum, Iyengar jóga, Fighting Monkey og er heilluð af því hvernig við getum nýtt hreyfingu til að eldast með reisn, auka seiglu í taugakerfinu og kynnast bæði okkur sjálfum og öðrum betur.

Í seinni tíð hef ég farið dýpra í hvernig megi losa spennu í gegnum snertingu eins og Chi Nei Tsang (taóískt líffæranudd), Búddískt nudd og Neuroaffective Touch.

En fyrst og síðast er ég móðir og það hlutverk knýr mig áfram til að halda áfram að vaxa, til að halda betur utan um sjálfa mig og vera öruggari leiðtogi. Til að vera aðeins betri útgáfa af mér á hverjum degi, fyrir mig og fyrir hana.

Um mig

 

Nærvera
– hugvekjubréf –

Skráðu þig á póstlista til að fá áminningar um leiðir heim í tenging.

Skrá mig á póstlista

UMSAGNIR

Ég kynntist Öldu fyrst í gegnum VIRK, en þangað var ég komin vegna alsherjar kulnunar í lífi og starfi. Í 20 ár hafði ég stuðst við vinnukerfi sem var metnaðarfullt, drífandi, en líka óvægið og kvíðavaldandi. Ytra virðið skipti öllu máli, innra virðið í molum. Í stuttu máli þá kom að því að þetta kerfi hrundi, og í samvinnu við iðjuþjálfa var markmiðið að hanna nýtt og betra flæði fyrir framtíðina. 

Strax í fyrsta tímanum hjá Öldu fann ég að ég var komin á besta stað mögulegan fyrir slíka vinnu. Alda er algjörlega frábær iðjuþjálfi, og eftir nokkra mánuði var ég farin að líta allt öðruvísi á tímann minn, sólarhringinn, og skilja í fyrsta skipti á ævinni hvað það er sem mitt taugakerfi þarnast og hvernig ég get mætt þeim þörfum. Alda er einstaklega fagleg, næm, djúpvitur – og líka svo skemmtileg! Ég hlakkaði alltaf til þess að mæta í tíma til hennar. 

Vinnan með henni markaði tímamót, ekki bara sem skref í átt að bata eftir kulnun, heldur sem augnablik þar sem ég fékk loksins tæki og tól til að takast á við líf og starf án kvíðans og spennitreyjunnar, í opnu og heilbrigðu flæði líkama og sálar. 

Ása Helga Hjörleifsdóttir,

kvikmyndaleikstjóri

“Ég upplifði strax meira innra jafnvægi eftir vinnustofunni, svaf vel og vaknaði úthvíld og með góða orku inn í daginn. Náði að vera meðvituð um þegar taugakerfið var aftur “á leiðinni” inn í sympatíska hlutann og gat nýtt mér leiðir sem Alda kenndi okkur í vinnustofunni. Allt fræðilega og praktíska efnið skilaði sér vel og skiljanlegt til mín.”

Skjólstæðingur
Vinnustofa

“Ég fékk á tilfinninguna að allt sem Alda gerir sê gert með ástríðu og ásetningi, einlægur vilji hennar til að gera allt í sínu valdi til að aðstoða, styðja og létta á þeim kvillum sem hröktu mig til hennar var augljós. Eftir marga ára stóðkerfis erfiðleika og endalausar, stöðugar tilraunir til að finna lausnir à þeim fêkk ég loksins von. Strax eftir fyrsta tíma fékk ég slökun, værð og fylltist bjartsýni um að það væri hægt að yfirstíga vandamál mín. Takk Alda.”

Skjólstæðingur
1:1 – Líkamsvinna