Til að þrífast og vaxa

Ég trúi því að við eigum öll skilið að þrífast í lífinu – ekki bara komast af.

Áskoranir á lífsleiðinni eru óhjákvæmilegar, en þær geta valdið óhóflegri streitu og ógagnlegum vanamynstrum sem fjarlægja okkur frá okkur sjálfum og því sem hefur raunverulega þýðingu fyrir okkur. Markmið mitt er að styðja þig í ferðalagi inn á við, þar sem þú kynnist þér betur í gegnum skynjanir líkamans og daglegt líf.

Með forvitni um eigin mynstur og auknum skilningi á taugakerfinu getur þú tengst líkama þínum og lífi á dýpri og þýðingarmeiri hátt.

Ég býð upp á líkamsmiðaða og heildræna nálgun fyrir einstaklinga og fjölskyldur, byggða á reynslu minni í iðjuþjálfun, náttúrumeðferð, jógakennslu og taóísku nuddi. Með því að nýta daglega vana, hreyfingu, núvitund, virkjun skynfæra og ígrundun, hjálpa ég þér að styrkja tengsl þín við þig. Þannig getur þú upplifað aukna vellíðan, seiglu og dýpri tengsl í samskiptum og daglegu lífi.

Kynntu þér hvernig ég get stutt þig í þinni vegferð heim í tengingu.

Vinnustofur & Námsskeið

Á dýptina

Netheimar

NÝJUSTU PISTLAR

Hver er ég?

Ég heiti Alda og er að norðan. Ég lærður iðjuþjálfi með sjálfstætt leyfi Landlæknis og hef sérhæft mig í náttúrumeðferð, áföllum, tengslum og taugakerfinu. Ég hef alla tíð sótt styrk í náttúruna og lært um shamanisma til að dýpka þá þekkingu. Ég hef mikla trú á heilunarmætti hreyfingar, andadrátts, snertingar og virkjun raddarinnar.

Ég verið með hreyfitíma sem jógakennari frá 2017 en ég hef bakgrunn í bardagaíþróttum, Iyengar jóga, Fighting Monkey og er heilluð af því hvernig við getum nýtt hreyfingu til að eldast með reisn, auka seiglu í taugakerfinu og kynnast bæði okkur sjálfum og öðrum betur.

Í seinni tíð hef ég farið dýpra í hvernig megi losa spennu í kroppnum í gegnum snertingu eins og Chi Nei Tsang (taóískt líffæranudd), Búddískt nudd og Neuroaffective Touch.

En fyrst og síðast er ég móðir og það hlutverk knýr mig áfram til að halda áfram að vaxa, til að halda betur utan um sjálfa mig og vera öruggari leiðtogi. Til að vera aðeins betri útgáfa af mér á hverjum degi, fyrir mig og fyrir hana.

Um mig

 

Áskrift
– hugvekjubréf –

Skráðu þig á póstlista til að fá áminningar um leiðir heim í tengingu,
fá fréttir um tilboð og hvað er á döfinni.

Skrá mig á póstlista

UMSAGNIR

Ég kynntist Öldu fyrst í gegnum VIRK, en þangað var ég komin vegna alsherjar kulnunar í lífi og starfi. Í 20 ár hafði ég stuðst við vinnukerfi sem var metnaðarfullt, drífandi, en líka óvægið og kvíðavaldandi. Ytra virðið skipti öllu máli, innra virðið í molum. Í stuttu máli þá kom að því að þetta kerfi hrundi, og í samvinnu við iðjuþjálfa var markmiðið að hanna nýtt og betra flæði fyrir framtíðina. 

Strax í fyrsta tímanum hjá Öldu fann ég að ég var komin á besta stað mögulegan fyrir slíka vinnu. Alda er algjörlega frábær iðjuþjálfi, og eftir nokkra mánuði var ég farin að líta allt öðruvísi á tímann minn, sólarhringinn, og skilja í fyrsta skipti á ævinni hvað það er sem mitt taugakerfi þarnast og hvernig ég get mætt þeim þörfum. Alda er einstaklega fagleg, næm, djúpvitur – og líka svo skemmtileg! Ég hlakkaði alltaf til þess að mæta í tíma til hennar. 

Vinnan með henni markaði tímamót, ekki bara sem skref í átt að bata eftir kulnun, heldur sem augnablik þar sem ég fékk loksins tæki og tól til að takast á við líf og starf án kvíðans og spennitreyjunnar, í opnu og heilbrigðu flæði líkama og sálar. 

Ása Helga Hjörleifsdóttir,

kvikmyndaleikstjóri

“Ég upplifði strax meira innra jafnvægi eftir vinnustofunni, svaf vel og vaknaði úthvíld og með góða orku inn í daginn. Náði að vera meðvituð um þegar taugakerfið var aftur “á leiðinni” inn í sympatíska hlutann og gat nýtt mér leiðir sem Alda kenndi okkur í vinnustofunni. Allt fræðilega og praktíska efnið skilaði sér vel og skiljanlegt til mín.”

Skjólstæðingur
Vinnustofa

“Ég fékk á tilfinninguna að allt sem Alda gerir sê gert með ástríðu og ásetningi, einlægur vilji hennar til að gera allt í sínu valdi til að aðstoða, styðja og létta á þeim kvillum sem hröktu mig til hennar var augljós. Eftir marga ára stóðkerfis erfiðleika og endalausar, stöðugar tilraunir til að finna lausnir à þeim fêkk ég loksins von. Strax eftir fyrsta tíma fékk ég slökun, værð og fylltist bjartsýni um að það væri hægt að yfirstíga vandamál mín. Takk Alda.”

Skjólstæðingur
1:1 – Líkamsvinna