Flæði lífsins

Flæði lífsins byggir á þeirri trú að við erum hluti af náttúrunni en ekki aðskilin frá henni.

Í náttúrunni hægir á kerfinu, skynjun dýpkar og athyglin víkkar.
Taugakerfið fær tækifæri til að róast og endurstilla sig á náttúrulegan hátt.

Í Flæði lífsins vinnum við með náttúruna sem lifandi spegil. Verkefni úti í náttúru, hreyfing, kyrrð, fræðsla og samtal fléttast saman í heildstæða nálgun þar sem unnið er með taugakerfið, líkamsvitund og daglegt líf.
Markmiðið er ekki að “laga” neinn, heldur að skapa aðstæður þar sem innri styrkur, skýrleiki og seigla fá að koma fram.
Flæði lífsins er fyrir þau sem þurfa að staldra við, fá nýtt sjónarhorn og endurheimta jafnvægi.

Leiðbeinendur eru Alda Pálsdóttir og Harpa Ýr Karínadóttir (idja.is), áfalla- og tengslamiðaðir iðjuþjálfar með sérhæfingu í náttúrumeðferð.